பிரித்தானிய பெட்ரோலியத்தின் முதன்மை செயலர் பதவியிலிருந்து ஹேவர்ட் மாற்றப்படலாம்

பிரித்தானியாவில் உள்ள மிகப் பெரிய நிறுவனங்களில் ஒன்றான பிரித்தானிய பெட்ரோலியத்தின் முதன்மை செயலர் பதவியிலிருந்து ஹேவர்ட் மாற்றப்படலாம் என தகவல்கள் வெளியாகியுள்ளன. அண்ணளவாக 28 வருடங்கள் இந்த நிறுவனத்தில் பணிபுரிபவர் ஹேவர்ட்.

தற்போது இந்நிறுவனத்தின் முக்கிய பிரச்சினையாக கருதப்பட்டு வரும் எண்ணெய் கசிவு பிரச்சினையை அவர் திறம்பட கையாளவில்லை என அமெரிக்கா தொடர்ந்து குற்றஞ்சாட்டி வருகிறது.

ஆனால் மூத்த மேலாளர்கள் மற்றும் பிரித்தானிய பெட்ரோலிய அமைப்பை சார்ந்த பிரதிநிதிகளின் முழு ஆதரவும் ஹேவர்டுக்கு இருப்பதால் அவரே முதன்மை செயலர் பதவியில் நீடிப்பார் என பிரித்தானிய பெட்ரோலியம் இதுவரை கூறி வந்தது.

இருப்பினும் அமெரிக்காவின் தொடர்ந்த குற்றச்சாட்டுக்களை சமாளிக்கவும் இதனால் நிறுவனத்திற்கு ஏற்பட்டிருக்கும் மிகப்பெரிய நஷ்டத்தை எதிர்கொள்ளவும் வசதியாக சிறிது காலம் ஹேவர்ட் மாற்றப்படுவர் எனவும் இது குறித்த இறுதி முடிவு இன்னும் 24 மணி நேரங்களுக்குள் வெளியாகும் எனவும் தெரிய வந்துள்ளது.

By தமிழ்செய்தி.கொம்